Shillong, Nohprah: Ka jingpynkhuid shnong jong ka Dorbar Shnong Lumshyiap kan long ha ka 12 tarik u Nohprah naduh ka por 8 baje mynstep haduh ban da dep. U secretary ka Dorbar Shnong Lumshyiap, u Bah KP Phawa lyngba ka kyrwoh u la kyrpad ïa baroh ki nongshong shnong ban wan ïashim bynta ha katei ka jingpynkhuid shnong.U la pynpaw ruh ba la bthah ïa baroh ki trai jaka bym shong bym sah hapoh ka shnong Lumshyiap ban wan ïakynduh ia u Rangbah Shnong ha ryngkat ki kot ki sla jong ki jaka ha shuwa katei ka sngi.
Ka Dorbar Shnong Mawlai Kynton Massar kan pynlong ka jingpynkhuid shnong ha ka 12 tarik mynta u bnai bad kan don ruh ka jingkhang shnong ha katei ka sngi bad ka por ba pynkhuid shnong. Ha kajuh ka por la kyntu sha baroh kiba don jaka puta hapoh ka shnong Mawlai Kynton Massar ba kin wan iakynduh ia ki Rangbah Dong shwa katei ka sngi na ka bynta ki kam kiba iadei bad ka jingpynkhuid shnong.Kane ka long katkum u kyrwoh lyngba u Bah KK Khongjoh, General Secretary ka Dorbar Shnong Mawlai Kynton Massar.
