Shillong, Naiwieng :Ka dorbar shnong Langkyrding Mihngi, Shillong, kan pynlong ka jingpynkhuid shnong ha ka 5 tarik mynta u bnai (Sngi Saitjaiñ) kaba long ruh shibynta jong ka ‘Beautification Project’ jong ka tnat Tourism ba la mang bad pynkhreh da ka DC office, Shillong. Ha kane ka sngi kan don ka jingkhang shnong naduh ka por 8 baje mynstep haduh 12 baje mynsgi.La kyntu ïa ki dukan bad ki kali kamai ba kin sangeh treikam ha kitei ki kynta. Kumta na ka liang ka dorbar shnong ha u kyrwoh lyngba u Rangbah Shnong ka khot ka wer kyrpang eh ïa ki trai kiba bat jaka hapoh kane ka dorbar shnong bad ki bym pat shna ïing ba kin sngewbha ban wan ïasnohkti lang ha kane ka jingpynkhuid shnong.
