Shillong, Nohprah: Ka Dorbar Shnong Mawlai Mawtawar, Shillong kan pynlong ka jingpynkhuid shnong ha ka 20 tarik u Nohprah 2022 (Sngi ba Ar) kaba sdang naduh ka por 9 baje mynstep.Ha u kyrwoh lyngba u Bah KS Nongdhar Secretary Shnong ka pyntip ba kan pynlong ka jingpynkhuid ïa ki sawdong sawkun jong ki jaka jong ki shwa ka 20.12.2022 na ka bynta ka jingkhuid khamtam na ka bynta ka jingshngaiñ ki Jaka/ki puta jong ki, kumjuh ruh la wer kyrpang ïa baroh ki paidbah nongshong shnong ba kin nang pynkhuid lypa ïa ka sawdong sawkun jong ka Shnong shwa katei ka sngi ba la buh bad la kyntu ruh ban ïa mih ryntih ha katei ka sngi bad ka por ïa kaba ka shnong ka la pynbeit. Na ka bynta ka Jingtip ba kham bniah lah ban phone ha kine ki number harum:9485005034/9774750878.
Ka Dorbar Shnong Qualapatty, Shillong ha ryngkat ka Qualapatty Social And Cultural Club kala rai ban pynlong ka jingpynkhuid shnong ha ka 17 tarik mynta u bnai ka ban sdang naduh ka por 8 baje mynstep.Kumta la kyrpad ïa baroh ki nongshong shnong ban ïa mih ryntih kumjuh ruh ïa ki dukan kiba don hapoh u pud u sam jong ka Dorbar Shnong Qualapatty ba kin khang ha katei ka sngi ban ïashim bynta lang ha ka jingpynkhuid naduh katei ka por ba la buh, bad yn ym shah ïa ki kali kiba nabar shnong ba kin wan rung shapoh shnong ha katei ka sngi katba ym pat dep ka jingpynkhuid shnong.Kumta la kyrpad ïa ki nongshong shnong bad ki nongñiah kali ban ïai shah shipor halor kane ka kam.Kane ka long katkum u kyrwoh lyngba u Bah I.Lakiang, President ka QSSCC.
