Shillong, Nohprah: Ka Dorbar Shnong Lawmali Pyllun kan pynlong ka jingpynkhuid shnong ha ka 12 tarik Nohprah 2022, ka ban sdang naduh ka por 8 baje mynstep.Kum ka jingpyntip sha ki paidbah baroh ba ïa kiba leit ba wan da ki kali sha ki ophis sorkar lane sha ki jaka trei bapher bapher kiba don hapoh ka shnong Lawmali Pyllun, namar kan don shipor ka jingpyrkhing ïa ka jingïarung ïa mih bad ïa ka jingpynïeng ïa ki kali harud surok katba dang ïaid ka jingpynkhuid shnong lait noh tang ïa kito ki kali kiba leit sha hospital.
Kumta na ka liang ka Dorbar Shnong Lawmali Pyllun ka kyrpad ïa ki paidbah nong leit nongwan da ki kali ba kin ïai shah lem shipor na ka bynta kane ka jingpynkhuid shnong. Kane ka long katkum u kyrwoh lyngba u Bah L.Lyngdoh Kynshi, General Secretary Dorbar Shnong Lawmali Pyllun.
