Shillong, Nohprah 09: Ka Dorbar Shnong , Lachaumiere, Shillong kan pynlong ïa ka jingpynkhuid Shnong ha ka 13 tarik U Nohprah, 2025 naduh ka por 8 baje mynstep bad ha katei ka sngi kan don ka jingkhang Shnong haduh 12 baje nohphai sngi.
Kumta la kyrpad ïa baroh ki nongshong shnong jong ka Lachaumiere ba kin ïa mih ryntih ha kane ka sngi ban pynkhuid ïa ka jaka jong ki bad ki sawdong sawkun.
La kyrpad ruh ïa ki trai dukan ba kin khang dukan shipor tad haduh ba dep pynkhuid shnong.
Hadien kane ka jingpynkhuid shnong ka don ka jingïalang jong baroh ki nongshong shnong ha surok PWD pyrshah ka Loft Restaurant.
Ïa kane ka kyrwoh la phah da u Secretary jong ka Shnong Lachaumiere U Bah O. Jala.
