Shillong, Nailar 11: Ka United Nations ka la pynbna ïa u snem 2025 kum ka International Year of Cooperatives bad ha kaba ïadei bad kane na ka liang ka Ministry of Cooperation, ka sorkar ppdeng ka la bthah ïa baroh ki jylla bad ki Union Territories ban rakhe ïa kane ka sngi ha baroh shi snem.
Ha kaba ïadei bad kane ka jingrakhe na ka liang ka tnat Cooperation ha ka jingïatreilang bad ka Raj Bhavan, Shillong, ka Meghalaya Cooperative Apex Bank Ltd., Shillong bad ka Meghalaya Basin Management Agency (MBMA) kan pynlong ïa kane ka prokram ha Raj Bhavan, Shillong ha ka 14th bad 15th tarik mynta u bnai ha kaba ha kane ka sngi kin don ruh ki jingdie ïa ki tiar Cooperative Societies bad yn shah ruh ïa ki paidbah ban shim bynta naduh ka por 3 baje janmiet haduh ka 8 baje janmiet ha baroh ki ar sngi.
