Shillong, Nailar 14: Ka jingpynkhreh ban rakhe ïa ka Sngi Laitluid (Independence Day) ba 75 snem ka Ri India ha ka jylla baroh kawei la dep ban pynbit pynbiang da ka sorkar bad ki bor synshar district. Hangne ha Nongbah Shillong u Myntri Rangbah ka jylla u Conrad K Sangma un pynher ïa ka lama Lairong jong ka Ri India ha madan Polo la shai ka sngi ha ka por 9 baje mynstep.
Ha kane ka jingleh burom u myntri rangbah ka jylla un sa shim ïa ka salute jong ki kynhun shipai, ki pulit bad ki khynnah skul ki ban sa ïaid march pass ha katei ka jaka bad sa bud da ka jingkren na u myntri rangbah ha kane ka jaka.
ïa kane ka jingrakhe yn sa pyni paidbah lyngba ki CableTV bad ka Facebook jong ka DIPR ban ailad ïa ki briew ban peit na ki ïing ki sem.
Ha Tura ïa ka lama Lairong jong ka Ri ynsa pynher da u Symbud Myntri Rangbah ka jylla u bah Prestone Tynsong, na ka liang ka sorkar kala dep ban bate ïa ki mytnri sorkar, ki MLA ba kin kyntiew ïa ka lama jong ka Ri la shai ka sngi ha kylleng ki District, Sub Division, ki Block bad ha kino kino ki jaka ba ju pynlong ïa ka jingrakhe man la u snem.
