Shillong, Jylliew 04: Ka ophis jong u Executive Engineer PHE Greater Shillong Water Supply Division No-1, Shillong ka la pyntip paidbah ba kan ym don ka jingsam ïa ka umbam umdih ha thaiñ Nongthymmai ka ban treikam naduh ka 3 tarik haduh ka 4 tarik mynta u bnai.
Kane ka jingpynduh ïa ka um ka long na ka daw ka jingmaramot jong u pipe ba 300 mm dia C.I Feeder Main uba leit sha Nongthymmai Reservoir.
Ki thaiñ bad ki jaka ki ban shah ktah kin baroh kawei ka thaiñ Nongthymmai. Na ka liang u EE ka PHE u la ong ba ki nongtrei ka tnat kin pyrshang katba lah ban maramot bad ban pyndep kloi ïa ka kam khnang ban lah ban sam biang ïa ka umbam umdih kumba ju long manla ka sngi bad kata naduh ka step jong ka 5 tarik mynta u bnai bad la kyrpad ïa ki paidbah ba kin ïaishah bad ka tnat ha kaba ïadei bad kane ka kam.
