Shilong, Nailar, 31: Hadien ka jingshna bad maramot mynta kumba ar bnai ei ei, ka Tourism Promoters Trekking Society, (TPTS) Wahkhen ka la rai ban plie biang ïa ka lynti ïaid kjat lyngba ki jingkieng siej ban poi sha u Mawryngkhang uba don ha shnong Wahkhen naduh ka 10 tarik Nailur 2022 ter ter khnang ba ki nongjngohkai pyrthei na kylleng ki jylla ka ri India bad kumjuh ruh na kiwei ki ri ka pyrthei kin ïoh biang ka lad ban wan jngoh kai bad peitkai ïa utei u mawbah mawsan uba la ju tip ruh kum u syiem jong ki mawbah mawsan naduh hyndai hynthai.
Ka Society ka kyrpad ruh ïa baroh ki nongwan peitkai ba kin long kiba sngewthuh ban nym pynjaboh pathar ïa ka Mei Mariang, ki dei ban kiar na ka jingbret pathar ïa ki plastic, bitor. Ym bit ban pynlong ïa katei ka jaka kum ka jaka ïadih kyiad ne jaka bret bad pynpait bitor namar ka ktah ïa ka jinglong ba kyrpang jong katei ka jaka. Ki tourist ki dei ban bat ïa ka akor ka burom khlem da thadlad ne pynjah burom ïa lade. La kyntu ruh ïa baroh ki tourist kiba kwah ban wankai sha katei ka jaka ba kin ai ka jingïatrei lang khnang ban khring bad pynkiew shuh shuh ïa katei ka jaka jngohkai ha ki snem kiban wan. Kane ka long ka kyrwoh na u Secretary ka Society.
