Yn pdiang ka Nongpoh Parish ïa ka jingïaseng bah ki Rangbah ka Shillong Archdiocese jurip u MLA

Nongpoh, Naiwieng 06: U Bah Mayral Born Syiem MLA ka Nongpoh mynta ka sngi u la leit ban jurip ïaki sawdong sawkun ka Nongpoh Parish ban pynthikna bad ban pynpoi ki kam pynroi kum ka jingpynkhreh shuwa ka jingpdiang ïaka jingïaseng bah ki Rangbah Shillong Archdiocese ka ban sa long ha u snem 2026 naduh ki lynti syngkien, ki jingker kynroh bad kiwei kiwei ki kam pynroi.
Ha katei ka jingjurip la sakhi ruh da ka jingdonlang u Fr. Peter Syiemlieh Parish Priest ka Nongpoh Parish haka jingdonlang ki nongïalam shnong, ki Rangbah Balang jong ka Nongpoh Parish lem bad ki ophisar ka tnad PWD.
Haba kren sha ki lad pathai khubor naka liang u MLA u Bah Mayral Born Syiem u la ong baa kane ka jingleit jurip ïaka Nongpoh Parish ka long ban pynthikna ba ki jingdonkam bad ki kam pynroi kin ïaid beit naduh ki kynroh, ki lynti syngkien, bad ba yn lah ban pyndep ïaki haka por ba biang kum ka Nongpoh Parish kan pdiang ïaka jingïaseng bah ki Rangbah ha u snem ban wan bad kumjuh ruh ka jingpynkhreh ïaka Platinum Jubilee ha u snem 2027.
U la pyntip ruh ba ka kam ka la sdang ban ïaid shaid shaid mynta bad shen yn pynheh bad pynbha ruh ïa u surok naduh lad Mawroh bad ai khublei ruh ïa u Bah Prestone Tynsong bad ka sorkar jylla kiba la sngap bad pdiang ïaka jingkyrpad khnang ba ki kam pynroi naka bynta ban pdiang ïa katei ka jingïaseng kan long kaba ïaid beit ïaid ryntih.