Shillong, Nailar, 24: Ki shipai ka ri India bad Thailand kin sa pynlong ïa ka jingkilan met ba la tip kum ka 14th Maitree Exercise ha Meghalaya, kum ka jingpynkhreh ban ïakhun pyrshah ïa ki kam lehnoh.
Kane ka jingkilan met lang ka long ban pynkhlaiñ shuh shuh ïa ka jingïadei ki bor shipai hapdeng kine ki ar tylli ki ri.
Ka 14th Maitree Exercise kan long naduh ka 1 tarik haduh ka 14 tarik Nailur ha Umroi, Meghalaya.
Kane ka jingkilan met hapdeng kine ki ar tylli ki kynhun shipai ka la wan phai biang hadien san snem. Ka jingkilan met Maitree ba mynshwa ka la long Tak Province, Thailand, ha kaba kine ki ar tylli ki kynhun ki la phah mar 76 ngut ki shipai, kynthup ki shipai Ladakh Scouts na India bad ka 1st Battalion jong ka 14th Infantry Regiment jong ka Thailand.
