Nongstoiñ, Naitung 19: U Deputy Commissioner ka West Khasi Hills u la pyntip sha baroh ki trai thup dewiong ka District, ba ïa ki thup dewiong la dep ban wan thew biang (Re-assessed) ha u snem 2018, ba kan don ka jingwan jurip markhmat ïa ki thup dewiong. Ïa kane yn leh ha khmat ka jingïadon lang bad ki trai thup dewiong ryngkat bad ka kynhun kaba yn kynthup ïa ka District Administration, DMR bad SPCB.
Namarkata, la bthah ïa baroh ki trai jong ki thup dewiong kiba don kyrteng katkum ka inventory list jong ki thup dewiong ba la dep ban thew hapoh West Khasi Hills District, ba kin wan mih hapoh ka ophis jong u DC Nongstoiñ ha ka por long trei naduh ka 25 tarik u bnai Naitung haduh ka 25 tarik u bnai Nailar 2022 khlem pep, ban ioh ia pynbeit ïa ki sngi bad tarik na ka bynta ban pyndep ïa ka jingleit jurip lang.
