Jowai, Risaw 14: Ka Archery Association of Meghalaya kum shi bynta ban pynkhreh ïaka 39th National Games 2027 ka ban long hapoh ka jylla, kan pynlong ïa ka Archery Talent Scouting (Phase-II) naka bynta ban jied ïa ki nongïasiat khnam ba kyrpang napoh ka West Jaiñtia Hills District.
Ïa kane yn pynlong ha madan Lumkyndong, Seiñ Raj UP School, Nangbah, Pohshnong haka 20 tarik October, 2025 naduh ka por 8 baje mynstep. Ka jingthmu jong kane ka long ban ïoh jied kyrpang ïa ki nongïalehkai kiba don shisha ka sap bad ka jingtbit jong ki.
Halor kane ka Archery Association of Meghalaya ka khot lang ïa baroh ki samla shynrang bad kynthei kiba don naduh ka rta 12 snem shaneng hapoh ka District ba kin wan khnang sha kane ka jingjied nongïasiat khnam ha katei ka sngi bala kdew haneng.
