Khliehriat, Naitung 21: U Deputy Commissioner, East Jaintia Hills District, Khliehriat da kane u pyntip paidbah ba na ka liang ka Meghalaya State Skills Development Society Shillong, ka don ia ka jingthmu ban jied 120 ngut ki candidate na ka bynta ka prokram aijinghikai lyngba ka Sector Skill Councils (SSCs) khnang ba kan pynlong ia ki ba kin lah ban sdang ia la ki jong ki jaka aijinghikai ne ki training centre lane ban long ka bynta jong ka jaka aijinghikai ba la don lypa hapoh ki district jong ki.
Kine ki prokram aijinghikai sengkam ki kynthup ia ka Fashion Designer, Cosmetologist, Mason Tiling, Doors and Windows Fixer, Construction Painter bad Decorator.
Baroh kine ki ba la pyndep ia ka training kin shah pyniasoh bad ka MSSDS ka ba hap hapoh ka Skill Meghalaya ha ka ba kin ioh ia ki bhah aijinghikai katkum ki kyndon.
Ki 30 ngut ki nongiashim bynta ki ba hakhmat eh kin ioh pdiang ia ka jingiarap pisa ka ba long mar T 5.0 Lakhs (San lak) na ka bynta ban buh ia ki training centre lane ban plie ia ki lad sengkam hapoh ki training centre ki ba la don lypa bad ki ba don ka jingiadei.
Ia ki jingtip ba kham bniah halor kane ka phang lah ruh ban leit lyngba ka https://mssds.nic.in/. Kino kino ki ba don jingthmu na ka bynta kane ki lah ban aplai online da ka ba leit sha ka https://mssds.nic.in/m_startt.html ha lane shwa ka 5 tarik Nailar 2022.
