Jymmang 11: U Nongïalehkai ba shait tied ïa ka Penalty Corner jong ka India, u Rupinder Pal Singh, un long u kapten jong ka team Hockey ak India ban kan ïakhun ïa ka Asian Cup ka ban long ha Jakarta. Kiwei pat ki nongïalehkai ba la kham slem jong ka India, u Manpreet Singh, Harman-preet Singh and PR Sreejesh kin nym ïashim bynta ha kane ka Tournament ka ban long naduh ka 23 tarik u Jymmang haduh ka 1 tarik u Jylliew 2022.
U Birender Lakra un long u Kapten symbud jong ka team India. Ka India ka don lang ha kajuh ka Group bad Japan, Pakistan bad ka Indonesia kata ha ka Group A. Katba ka Malaysia, Korea, Oman bad Bangladesh ki don ha ka Group B.
Na ka liang ka India, wat lada ka la pynmih bun da ki nongïalehkai thymmai namar ba ka team ka ka ïoh sha ka FIH World Cup, hynrei ki dang don haduh kumba 10 ki nongïalehkai kiba la ïashim bynta ha ka Junior World Cup , kum u Yashdeep Siwach, Abhisek Lakra, Manjeet, Vishnukant Singh bad u Uttam Singh.
