Shillong, Naiwieng 02 : U Dippu Ch Sangma un ïalam ïa ka Meghalaya ha ka Vijay Hazare Trophy kum u kapten, pynbna ka Meghalaya Cricket Association ha ka sngi Balang.
Ka Meghalaya kan sdang ban mih madan nyngkong ha katei ka lympung ïalehkai one day tournament jong ki senior kan sdang ha ka 12 tarik Naiwieng pyrshah ïa ka Karnataka, bad baroh hynñiew sien ki jingïalehkai kan long ha Kolkata.
U Dippu u dei u rangïalehkai ba ju mih madan bunsien ïa ka Meghalaya ha kine ki samoi ba lah dep ha kaba u Wanlambok Nongkhlaw un long kum u symbud kapten. Ka Meghalaya kan don ruh ki lai ngut ki guest-professional, ba kynthup u Punit Singh Bisht, Chirag Khurana bad Rajesh Bishnoi.
Ka Meghalaya ka don ha ka group kaba khlaiñ kum ka Karnataka, Delhi, Assam, Vidarbha, Jharkhand bad Rajasthan. Ka Sikkim ruh kadei kawei ka kynhun na ka thaiñ shatei lam mihngi ka ri India ban ïashim bynta ha katei ka lympung.
Ki rangïalehkai jong ka Meghalaya ba kynthup ïa u Manish Kumar Rai, Sylvester Mylliempdah, Pringsang Sangma, Dippu Ch Sangma (C), Wanlambok Nongkhlaw (V-C), Lerry G Sangma, Sanvert B Kurkalang, Riboklang Hynniewta, Abhishek Kumar, Chengkam Sangma, Lakhan Singh, Yogesh Tiwari, Punit Singh Bisht, Chirag Khurana, Rajesh Bishnoi
Ki support staff ki long u Dheeraj Jadhav (head coach), Moisten Ch Marak (assistant coach), Himmat Singh (strength and conditioning coach), Surojit Biswas (physio), OL Warjri (manager)