Shillong, Nailar 01 : U Myntri ka tnad Pule Puthika jylla u Rakkam A Sangma ha ka sngi Ba-ar, ula kular ban ïakren bad ka National Institute of Open Schooling (NIOS) halor ka jingslem ban pynbna ïa ka result jong ka Diploma in Elementary Education (D.EL.ED) mynta la 5 snem.
“Ngin sa ïakren bad ki bor pynïaid ka NIOS bad ngin wad ïa kaei kaba jia (ïa ka result jong ka D.El Ed)” ong u Rakkam haba ïakren bad ki nongthoh khubor hadien ka jingïalang bad ka kynhun ki 29 ngut ki samla pule na Sibsingh Centre, West Khasi Hills District.
U Myntri ula ong ruh ba kane ka kam ka long ka bym ïahap satia bad u suba ba ki don bun ki centre hapoh ka Jylla kiba mad ïa kajuh ka jingeh. Kat kum ka jingong jong u, kane ka kam ka la shu sahteng mynta la 4-5 snem.
