Yn ïaknieh nam lahduh ka Suchen Lumiarain SC bad ka Narwan SC ha ka Third Division jong ka EJHDFA

Jowai, Nailar 08: Ka jingïakhun Semi Final haka kyrdan 3rd Division 2025 League Stage, bala pynïaid daka East Jaiñtia Hills District Football Association (EJHDFA) kaba la long mynta ka sngi 8 tarik ha madan Artificial Turf Diengshynrum, Khliehriat East Jaiñtia Hills District.
Haka jingïakhun Semi Final kaba nyngkong ka kynhun ïalehkai jong ka Suchen Lumiarain SC kala jop da shikol 1-0 ïa ka Lumshyrmit SCSC, ïa katei ka shikol na ka Suchen Lumiarain SC la thep da u Wanmi Lamurong haka minit ba 5.
Katba haka jingïakhun ba ar ka Narwan SC kala jop da 2-0 kol ïa ka Lama Youth SC, ïa kitei ki ar kol na ka Narwan SC la thep da u Jimris Langstang haka minit ba 6 bad u Miki Suiam haka minit ba 43.
Lyngba kane ka jingjop jong ka Suchen Lumiarain SC bad ka Narwan SC kila ïoh ban rung sha ka jingïakhun Final ka ban long ha ka 16/8/2025 haka por 2 baje noghphai sngi.