Jowai, Nohprah 10: Ki ar tylli ki kynhun ba khlaiñbor jong ka jingïakhun Inter-dong Football League 2025 ba la pynïaid da ka Seng Samla Khlachympa Sports and Cultural Club Nongtalang, kita ka Banan Sport Club bad ka New Nonglamin Sport Club kin sa ïakhun pyrshah ha ka Final ha ka 12 tarik mynta u bnai ban ïoh rah ïa ka nam lahduh jong kane ka samoi 2025.
ïa ka jingïakhun ha katei ka sngi yn pynlong naduh ka por 1 baje nohphai sngi ha madan Nongtalang hajan ka Nongtalang College.
Ha katei ka sngi yn pynphuh pynphieng ïa kane ka tamasa da ka jingwan shim bynta bad sakhi da i Dr. Mazel Ampareen Lyngdoh i MLA ka East Shillong Constituency kum ka kongsan (Chief Guest) bad yn ïa don lang ruh u Jamshaphrang Pohtam uba dei ruh u local MDC (War Central) na ka VPP kum u symbud kongsan (Guest of Honour) bad kiwei kiwei de ki riew pawkhmat ka thaiñ War Jaintia.
Kumta ki nongpynïaid kila khot la wer ïa baroh ki riew ïeid football kiba najan bad najngai ban wan sakhi lem, khnang ban pynlong ïa kane ka sngi kaba phuh baphieng bad kaba jop.
