SHILLONG, Naitung 11: Ka Amanda Anisimova ka la pynkyndit ïa ka pyrthei da kaba pynkhyllem noh ïa ka Aryna Sabalenka ha ka semi final ban buh ïa ka jingïakhun phainal jong ka Wimbledon pyrshah ïa ka Iga Swiatek.
Ka Anisimova, thei ïalehkai kyrdan ba 13 na America, ka la jop ïa ka jingïalehkai da 6-4 4-6 6-4.
“Kane kam long kaba sngew shisha, Ngam tip kumno Nga la lah ban jop. Ban wan hakhlieh duh mynta bad ha ka final jong ka Wimbledon ka long shisha kaba kyrpang.” la ong ka Anisimova.
Ka Sabalenka ka la mad ar tylli ki namrem kiba kthang mynta u snem – ha ka Australia bad ha ka Paris Open.
