Jowai, Risaw 08: Ka lympung ïalehkai phutbol kaba la tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 ba la pynïaid daka West Jaiñtia District Sports Association (WJDSA) Jowai kaba la long mynta ka sngi 8 tarik u ha madan Kiang Nangbah Stadium Dongmihsngi, Jowai.
Haba phai sha ka jingïakhun Semi Final ba ar mynta ka sngi ka kynhun ïalehkai jong ka Lion Sports & Youth affairs kala lah ban pynliem da 1-0 kol ïa ka Lumbhahdakha wahiajer.
Ïa kane ka shikol na ka liang ka Lion Sports & Youth affairs kala ïoh ban thep ha ka minit kaba 59 lyngba u rangïalehkai jong ka u Clinton Suchiang, da kane ka kol ka Lion Sports & Youth Affairs kala ïoh syndon ban rung sha ka jingïakhun phainal jong kane ka lympung mynta u snem da kaba ïa khun pyrshah ïa ka Nangbah Dukhu.
