Jowai, Naitung 18 : Ka West Jaiñtia District Sports Association Jowai mynta ka sngi kala pynbna ba yn sa sdang noh lashai ka sngi 19 tarik u Naitung ïa ka lympung ïalehkai phutbol bala tip kum ka ‘Independence Day Cup’ Under-17 Football Tournament 2022 ha madan Kiang Nangbah Stadium, Jowai.
La pynlong ïa kane ka lympung ïalehkai phutbol shi bynta na ka jinglehkmen dap 50 snem ka jingïaid lynti jong ka WJDSA bad kumjuh ka jingrakhe ïa ka jingdap 50 snem ka jingïoh ïa ka jylla ba pura.
Baroh ki kynhun ki ban ïashim bynta ha kane ka lympung ki don haduh 35 tylli ki kynhun ba la pynpynta ha ki 8 tylli ki Pool, na ka bynta ka Pool- A: ki long ka Nangbah Mulang, Dulong, Sailung Ialong bad ka Lum Iawmushai Shangpung, Pool-B: ka Lumpyrtuh Mihmyntdu, Khimusniang, 7 Wasa bad ka Mookyndur. Pool-C: ka Mookyrdup, Caroline Colony, Mukhla Raij, Catholic Mihmyntdu bad ka Lutituber Ialong. Pool-D: ka Evergreen Mukhla, Lumkyrwiang, Mynthong, Iawmulong Nartiang bad ka Royal Pole Mihmyntdu.
Ha ka Pool-E: ka Demthring, Ladthadlaboh, Mookymphad Mihmyntdu bad ka Ksehsylle Ialong. Pool-F: ka Chilliang Raij, Nangbah SA, Sabahmuswang, Dongmihsngi bad ka Sohmynting. Pool-G: ka Tpep-Pale, Panaliar, Saiñdur Mihmyntdu bad ka Chutwakhu. Katba ha ka Pool-H: ka Lion Sports & Youth Affairs, Mulang Ialong, Lumpariat bad ka Moosalyngkat.
Ka jinïakhun ba nyngkong jong kane ka lympung lashai ka sngi 19 tarik ka long hapdeng ka Royal Pole Mihmyntdu pyrshah ïa ka Iawmulong Nartiang ha ka por 1 baje nohphai sngi.
