SHILLONG, ïaïong 15: Ka Shillong Sports Association ha ka Tournament Committee Meeting kaba la long ha ka 14 tarik ïaïong, 2025 ka la rai ban die lilam sha ki klob kiba ladep ïasoh na bynta kawei ka jaka kaba thylli ha ka kyrdan ïakhun Second Division jong u snem 2025.
Kano kano ka kynhun kaba thlieh dor heh tam kan ïoh ban pyndap ïa kane ka jaka kaba thylli bad ki kyndon ha kaba ïadei bad kane ki long kumne harum:
La plie ïa ka jingdie lilam na bynta baroh ki klob kiba ïasoh bad ka Association kiba dei na ka kyrdan ïalehkai Third Division bad fourth Division. Ka dor kaba rit tam kaba ki lah ban tyrwa ka long T. 2,00, 000/- (2 Lak). ïa ki jingtyrwa dei ban ai ha ka rukom jong ka Close Bid System ban phah sha u Genera Secretary ka Shillong Sports Association.
Baroh ki klob kiba don jingthmu ban thied ïa kane ka jaka ba thylli ki ban hap ban siew ïa ka Security Deposit kaba T.20,000/- (Arphew hajar) tang ha ka dur jong ka Demand Draft bad khlem kane kin nym lah ban ïashim bynta ha ka jingïaknieh thied lilam. Kane ka jingsiew yn pynphai tang ïa ki kynhun kiba khlem lah ban ïoh.
Ka tarik ba khatduh ban ai ka long ha ka sngi Nyngkong ka 21 tarik u ïaïong, 2025 haduh ka por 3 baje noh phai sngi bad ka jingtyrwa kan plie ha kajuh ka tarik ha ka por 4 baje nohphaisngi ha ka jingdon lang ki nongmihkhmat jong ki kynhun kiba kwah ïa kane ka jaka ba thylli.
