Mawkyrwat, ‘Naitung 20: U Additional Deputy Commissioner, incharge ka Ranikor Civil Sub Division, South West Khasi Hills District u la pyntip yn die lilam ïa ki ar tylli ki song kiba don ka shini ba khia 50 kilo kawei kawei ia kiba la ïoh kurup.
Kum ban shu pyntip, ha kaba ïadei kine ki mar ba la ïoh kurup ki la don hapoh ka Ranikor P.S. Case No 05/2025 U/S 132/3 (5)/223 (B) BNS R/W SEC14 (C) jong ka Foreigners Act., 1946 GR No 33/2025 kaba 23.05.2025.
La pyntip ba kino kino kiba kwah ban thied ïa kine ki mar ki lah ban wan ha ka 23 tarik mynta u bnai ha ka por 12:00 baje mynsngi ha ophis treikam jong u Incharge Gumaghat Police Out Post.
