Jowai, Jylliew 26: Ka West Jaiñtia District Sports Association (WJDSA) lashai ka sngi 27 tarik u Jylliew kan sdang sa ka lympung ïalehkai phutbol ba la tip kum ka ‘5th Debo Shullai Memorial Trophy’ 2nd Division Football Tournament-2020 ïa kaba yn pynïakhun ha madan Kiang Nangbah Stadium Jowai.
Baroh ki kynhun kiba ki ban ïakhun ha kane ka lympung ki don haduh 16 tylli, ha ka Pool-A: ka West Madan Mustem, Caroline Colony, Pynthorlangteiñ bad ka Loin Sports & Youth Affairs. Ha ka Pool-B: ka Lumpariat, Khliehïongriang, Dongmihsngi, N.S.A. Pool-C: Mynsngad, Khliehmynkrem, Phramer, Mookyndur. Katba ha ka Pool-D: ka Mooknor Thadmuthlong, Panaliar, Lumpyrtuh Mihmyntdu bad ka Iawmulong Nartiang.
Ka jingïakhun ba nyngkong mynta ka 27 tarik u Jylliew, 2022 yn aireng hapdeng ka West Madan Mustem pyrshah ïa ka Caroline Colony ha ka por 3 baje nongphai sngi.
