Nongstoiñ, Ïaiong 20: U Deputy Commissioner (Supply) ka West Khasi Hills u la pyntip ba ka Sorkar kmie ka la pynbna ba hapoh ka skhim Pradhan Mantri Ujjwala Yojana 2.0 (PMUY 2.0), kan ai connection LPG bym donkam siew pisa, na ka bynta ki longkmie bad ki riew kynthei kiba dei na ki longïing kiba duk tam, kiba don ïa ka Ration Card PHH lane AAY hapoh ka District.
Ka jingpyndonkam da ka LPG ha ki ïing ki sem, kan wanrah ïa shibun ki jingmyntoi ïa ki longïing bad kan ïarap ruh ban pynneh pynsah ïa ka mariang hi baroh kawei. Kumta la bthah ïa baroh kiba don ïa kitei ki Card Ration kumba la kdew ba kin leit aplai napoh M/S Ailang Gas Agency, LPG Distributor, IOCL, West Khasi Hills District, Nongstoiñ ha ryngkat bad ki kot ki sla ba donkam.
