Khliehriat, Nailur, 03: Ka Khasi Students Union Narpuh Circle, ka pynbna ba kan sa pynlong ïa ka jingai khusnam sha ki samla pule jong ka thaiñ kiba pule hapoh ka jylla bad kumjuh ruh kiba pule shabar ka jylla, kito kiba pass bha ha ki exam bapher bapher bad kane ka dei ka 12th Maitshaphrang Acadamic Award 2023 jong ka seng.
Kane ka khusnam kan long na ka bynta kito ki ba pass ha ka kyrdan ba nyngkong (1st Division) ha u snem 2023 ha ka kyrdan pule SSLC, HSSLC, Bachelor Degree, Master Degree, PhD ne ha kino kino ki jingpule bapher bapher.
Ka seng ka bthah ba ki dei ban pynpoi ïa ki certificate kum ki marksheet sha ka ophis treikam jong ka seng lane lah ruh ban shu email ha ka email ID: ksunarpuh@gmail.com ha lane shwa ka 11 tarik u nailur 2023 bad na ka bynta ki jingtip kiba bniah lah ban wahtsap ha u number 6009103554, kane ka long katkum u kyrwoh ba la phah da u Education Secretary KSU Narpuh Circle, u samla Chanmi Syrti.
