Nongstoiñ, Nailur, 1: U Deputy Commissioner ka West Khasi Hills u la pyntip ba ka Ministry of Jal Shakti Department of Water Resources, River Department & Ganga Rejuvenation kan ai khusnam ïa kino kino seng, ki briew bad kynhun briew kiba la noh synñiang, ha kaba ïadei bad ka jingpynneh pynsah bad pynkhuid ïa ki um ki wah bad kiba dei hok ban ïoh ïa kane ka khusnam.
Kino kino kiba kwah ban ithuh ïa ki kam jong ki ki lah ban submit ïa ki application online, lyngba ka Rashtriya Puraskar Portal ha ka Website www.awards.com bad ïa ki jingtip ba kham bniah lah ban ïoh na ka ophis jong u Deputy Commissioner, Nongstoiñ.
Kane ka jingpynbna jong ka ophis u Deputy Commissioner ka long ban pynshlur ïa ki paidbah hapoh ka District ba kin ri bad sumar ia ki khlaw ki btap bad ba ki ri bad sumar ia ki tyllong um na ka bynta ka jingmyntoi ki pateng ban sa wan.
