Mairang, Jymmang 28: Ka State Council of Science Technology & Environment Meghalaya, ka la pyntip ba la plie ïa ka Coaching Class ïa kaba la tip kum ka Meghalaya Star 30 Guiding Aspiration na ka bynta ki khynnah kiba la pyndep ïa ka class XII Science, kiba don ka jingangnud ban ïaleh ïa ka NEET Exam.
Kane ka jaka ai jinghikai ka dei kaba don bad ki jaka sah, yn ai jinghikai kaba bniah ïa ki khynnah kunno ban pynkhreh ïa ka NEET Entrance Test. Yn pynlong ka jingjied ïa ki khynnah katkum ki kyndon ba la buh. Ki khynnah kiba shah jied ban rung ha kane ka coaching class, ki hap ban leit tista haduh ban da pyndep ïa ka course. Ka coaching class yn sa sdang noh naduh u bnai Naitung mynta u snem.
Ka jingthmu jong kane ka programme ka long ban ai mynsiem ïa ki khynnah pule ban ïakhun ïa ki exam bapher bapher, ban pynbun ïa ka jingdon ki khynnah pule kiba pass ïa ka NEET Exam. Ka long kum ka jingplie lad na ka bynta kito ki khynnah kiba wan na ki longïing kiba duk bad na ki jaka kyndong.
Kumta la ïawer ïa ki khynnah pule ban shim ïa kane ka lad bad pyndap kyrteng, da kaba scan ïa u QR Code ka Meghalaya STAR 30 Registration lane ban peit ha ka website link jong ka SCSTE https://forms.gle/Wr72jJWstRDARcrG8.
