Nongpoh, Ïaiong 14: Ka ophis jong ka District Medical & Health Officer, Ri Bhoi District, Nongpoh ka la pyntip ba ka jingai dawai wieh ïaki khynnah kiba naduh shisnem haduh 19 snem ka rta kan long haka sngi 15 tarik u Ïaiong 2025 ha baroh kawei ka district Ri-Bhoi. Kito ki khynnah ki bym ioh ban dih dawai wieh ha ka 15 tarik yn sa ai pat ha ka 22 tarik u ïaiong 2025 ha baroh ki skul bad ki Anganwadi centre bad ha ki shnong. La kyrpad ïa ki kmie ki kpa ba kin shim khia ïa kane ka jingai dawai wieh ïa ki khun jong ki khnang ba kin lait na u wieh bad ba kin long kiba koit ba khiah.
