Nongpoh Ïaiong 19: Ka ophis jong ka Medical & Health Officer, Ri Bhoi District, Nongpoh ka la pyntip paitbah ba kan don ka jingpyndih dawai wieh ïa ki khynnah ka ban sdang naduh ka 19 haduh 26 tarik Ïaiong 2022. Kumta la kyntu ïa ki kmie ki kpa ba kin phah ïa ki khun jong ki sha ki skul ne ki Aganwadi Centre kiba don ha ki shnong jong ki, na ka bynta ban ïoh pyndih ïa u dawai wieh.
Ka jingdih ïa ki dawai wieh ka ïarap ïa ki khyllung khynnah ban pyllait ïa ki na ka jingduna snam, ban pyrshah ïa ki jingpang bad ban pynkhlain ïa ka bor met.
