Shillong, Naiwieng 08: U myntri Rangbah ka Assam uba dei ruh uwei na ki nongïalam ba paw khmat jong ka BJP u Himanta Biswa Sarma u la kob ba ka BJP kan jop ym tang ïa ki jylla kiba ka la synshar lupa mynta hynrei wat ha ka jylla Meghalaya, Tripura bad Nagaland ha ka ilekshon MLA ban long ha u snem 2023.
U la ong ba ha ka sien ba nyngkong eh ba ka BJP ka jop ïa ka ilekshon ha ka thaiñ Shatei Lam Mihngi ka ri baroh ki kam ba ka dei kaba shu jia ryngkhat hynrei u ong ba ha ka jylla Assam bad Manipur ka BJP ka la jop la arsien lynter ki ilekshon.
“Ki ilekshon ban wan nangne shakhmat ki long kiba kongsan haduh katta katta ïa ngi kum ka Party, ngi la jop ha Assam bad Manipur bad nga sngew skhem ruh ba ngin jop ha ka jylla Tripura, Meghalaya bad Nagaland bad ngin ïoh synshar ïa kine ki jylla marwei,” u la ong.
U la ong ruh ba lada ki paidbah ki sngewthuh ïa ka jingkordor ka roi ka par ym don da kiwei pat ki lad palat ban ïa kaba jied ïa ka BJP ban ïalam ïa ka jylla.
