Ym shym ïasnohkti shit rhem ki paidbah ka jylla ha ka Swatchhata Hi Seva u Myntri Rangbahduh

Shillong, Risaw 1 : Wat la u Myntri Rangbah duh ka ri u Narendra Modi u la pynbna ba mynta ka sngi ka dei kata ka sngi ban rakhe ïa kata ka Swachhata Hi Seva “Swachta Divas – EK Tarrekh Ek Ghanta” ne ka jingïa pynkhuid shnong pynkhuid thaw, hynrei la ïohi ba kam shym la don kata ka jingïasnoh kti ba shitrhem na ki paidbah ka jylla lait noh tang ha ki katto katne ki jaka.
Haba pyrshang ban wad jingtip ha kylleng ka jylla la ïathuh ba ki don tang khyndiat tylli eh ki jaka ba don ka jingïapynkhuid lait nangta kiba bun ki dong bad ki shnong kim shym la ïasnohkti lang namar ba ka dei ka Sngi U Blei.
Hooid ka jylla Meghalaya ka dei ka jylla kaba kdup ïa kiba bun ki jait niam hynrei ki briew ki ïa burom mar kylliang ïa ka niam bad mynta ka sngi ba ka dei ka Sngi U Blei ha kaba baroh ki Khristan ki pynlut por ban kiew sha ki ïing Mane kumta kiwei kiwei ki paid nongshong shnong ruh ki khlem ïasnoh kti satia bad kane ka jingpynbna u Modi.
Hangne ha nongbah Shillong kiba paw ba ïashim bynta ha kane ka prokram ki long tang ka NEHU bad ka Shillong Cantonment Board lait nangta kam shym la don ha kiwei kiwei ki jaka.
Kane harum ka dei ka ïitkhmih ba la thoh da u nongthoh Article ba paw nam jong u Mawphor I bah H.T Wells ha kaba ïadei ba kane ka jingpynbna pynkhuid shnong u Modi kaba la pynmih ha ka Sngi Saitjain hynrei khnang ba baroh kin ïoh ban pule ïa ka ngi pynmih biang mynta ka sngi.