Ym pat don Service Book ha ka tnat Urban Affair sa kylla ïew luri lura ka jingthungkam

Shillong, Nailur 23: U Bah Disparsing Rani u la ong ba ka jingbym don ka Service Book na bynta ka shnat Meghalaya Urban Development Authority(MUDA) jong ka sorkar jylla ka pynlong ïa ka jingkynrum kynram kaba kum ka Ïew Luri Lura khamtam eh ha ka jingthungkam ha kane ka tnat. U la ong ba da ka jingbym don ka Service Book ka pynlong ïa ki myntri jong kane ka tnat ban lah ban thungkam katba mon.
Haba kren halor ka jingkynnoh jong u ba ka don ka jingthungkam tuh da u Bah Hamletson Dohling bad u Bah Sniawbhalang Dhar ha ophis ka MUDA ha ki bnai ba la dep u la ong ba da ka jingbud dien shuh shuh lyngba ka RTI u lap ba kaei kaba kine ki Myntri ki leh kam long be-aiñ satia namar kam don kano kano ka kyndon kaba shai ruh halor ka jingthungkam ha katei ka tnat.
Haba ïadei bad ki post kiba thylli kiba don ha ka ophis ka MUDA bad ha ophis DC Nongstoiñ u la ong ba kumba long mynta ki don kumba 30 tylli ki ba thylli ha ophis ka MUDA bad 30 tylli ruh ha ophis DC Nongstoiñ.
Haba kren halor ka jingbym lah shuh ka NEIGRHIMS ban pynlong ïa ka eksamin ïa ki 367 tylli ki post kiba thylli u la ong ba kat kum ka jubab na ha ka RTI la ïathuh ba ïa ka eksamin kin sa pyn long ha kine ki khyndait sngi.
U bah Disrparsing la ong ïa ki bor ba pynïaid ïa ka tei ka hospital jong ka sorakr pdeng ba lada kim lah ban pynurlong hapoh shitaiew, na ka liang jong u un ujor sha kibor ba halor sha ka sorkar pdeng ha Delhi ba kan tuklar ïa kane ka kam.