Jowai, Lber 23: Ka Khasi Student Union (KSU) Jowai Unit ka pynpaw ka jingsngewkhia halor ka jingsah kut ki ñiut da ki bun bun bnai mynta ha Jowai kaba la wanrah ia jingjaboh bad ka jingsma iwtung ïa ka sor Jowai hi baroh kawei.
Na ka bynta ka jingbha jingmiat jong u paitbah nongshong shnong ka seng KSU ka buh ka jingkyntu ïa baroh ki nongshong shnong hapoh West Jaiñtia hi baroh kawei ba kin long kawei ym ban shuh ïa kdew kti iwei ïa iwei khnang ba ki jingmyntoi kin wan hapoh ka District hi baroh kawei.
Halor kane ka jingeh kaba mih na ki ñiut ha khylleng ki jaka ka seng ka kyntu ruh ïaka sorkar ba kan leh eiei noh mardor bad dei ban leh katkum ka juk kaba thymmai (scientific waste management) khnang ban lait na ki jingeh hadien habud.
Ha ka juh ka por ka KSU hi kam kwah satia ban ïohi ba ïa kane ka ñuit ba neh sah ha sor Jowai kan dei pynban ka Topic ban ïalap Election 2023, la pynkut ka kyrwoh ba la phah na u samla Nidapoi Shadap Publicity Secretary.
