Ym don satia ki nong Pakistan ba sah ha Shillong bad ha baroh kawei ka distrik : SP

Shillong, Ïaiong 28 : U Superintendent of Police (SP) ka East Khasi Hills District, Bah Vivek Syiem ha ka sngi Nyngkong u la ong ba ym don satïa ki nong Pakistan kiba sah ha Shillong bad kumjuh ha baroh kawei ka distrik.
Haba kren bad ki lad pathai khubor, u SP u ïathuh ba watla katta ka jingbuddien ka dang bteng lyngba ki rekod ban peit la ki don neem kiba wan. “Hynrei haduh mynta ngi la peit ba ym don satia ki nong Pakistan kiba don ha Shillong,” u la ong.
Dang ha ka 25 tarik mynta u bnai, ka tnad pulit jong ka jylla ka la bthah ïa baroh ki nong Pakistan lait noh tang kito kiba don ïa ka VISA kaba jlan por, lait noh tang ki diplomatic bad official visa, ba ki dei ban mih noh na u pud u sa jong ka India ha lane shwa ka 27tarik mynta u bnai.
Ïa kane ka jingbthah la pynmih da u Superintendents of Police (SPs) – cum – Foreigners Regional Registration Officers jong ki distrik bapher bapher jong ka jylla kaba long katkum ka jingbthah da ka Ministry of Home Affairs (MHA) ha ka 25tarik mynta u bnai.
La maham ruh ba kito kiba leh pyrshah ïa katei ka jingbthah kin ngat ha ki kyndon kiba tyngeh katkum ka ain.