Shillong, Nailur 16: U Bah Disparsing Rani ha ka sngi Thohdieng u la ïathuh ba kumba long mynta ka jinglong jingman jong ki bos saw ki la don hapdeng ka jingbym shngaiñ shuh na ka daw ba kiba bun na ki ki dei kiba la rim.
Haba kren sha ki lad pathai khubor u la ong ba ka jingjia ba khah khah ki aksident na ka daw ka jingpheil break kaba la buh jingma ruh ïa ki nongleit nongwan na ka liang jong u u pyrshang ban wad jingtip la ka don ne em ka jingtalasi ïa ki kot ki sla na ka liang ka ophis ka la ïathuh ba ka don ka jingleit talasi kaba ju jia na ka por shah ka por bad wat ka jingdaiñ kuna ruh ka ju jia ïa ki bos saw.
Na ka liang jong u u la buh jingkylli ruh halor kino ki kot ki sla ka tnad pynïaid kali ka ju talasi kot na ka por sha ka por.
“Ki bus saw ki dei ki kali kamai kaba nyngkong eh ka kot kaba ki dei ban don ka dei ka Insurance hynrei tang ka insurance kam don, ka Fittness ruh kam don, ka pollution ruh kam don bad ka road tax ruh kam don, ha kano ka nongrim pat ki pulit ki talasi ïa ki kot ki sla” u la buh jingkylli.
