Nongpoh, Rymphang 03: Tang hadien ba baroh ki kyrtong na ki 5 tylli ki Constituency jong ka Ri-Bhoi District kila pyndep ïaka jingthep kyrteng naka bynta ka elekshon MDC ban long haka 21 tarik mynta u bnai, mynta ka sngi la pyndep ruh ïaka jingbishar (scrutiny) ïaki kot thep kyrteng jong baroh ki kyrtong ki ban aireng naki 5 tylli ki constituency ka Ri-Bhoi District.
Kumba long hadien ka jingthep kyrteng ki don kumba 26 ngut ki kyrtong ki ban aireng ha kane elekshon MDC bad hadien ka jing bishar ïa ki kot ki sla jong baroh 26 ngut ki kyrtong naki 5 constituency ka Ri-Bhoi ym shym don ba shah kyntait bad baroh la pynthikna ba kila biang pura bad ioh ban ïakhun ha kane ka elekshon ban wan sha ka iing dorbar jong ka KHADC ha kaba baroh ki don ruh la ka thong bad ka jingkyrmen ban rah ïaka jingjop.
Kumba la sakhi, ha kane ka sngi, la iohi ruh ba ki nongkyrshan jong ki party bapher bapher na kylleng ki Constituency kiba don ha Ri Bhoi, ki la ïatuid sha ka ophis u Deputy Commissioner ka Ri Bhoi, ban synran ïa la u kyrtong uba ki ïa kyrshan bad la iohi ruh ba la pyndap da ki nongkyrshan bapher bapher ki party ha ka phylla ka ophis u Deputy Commissioner kaba don ha Nongpoh.
