Shillong, Ïaiong 22: U Lat ka Jylla Meghalaya Satya Pal Malik hynne ka sngi thohdieng ula ban jur ba ka sorkar pdeng kam dei ban pynbor ïa ki khynnah skul ban pule ïa ka subjek hindi ha ki jaka pule jong ki.
“Ym dei ban shu pynbor ban pule ïa ka sobjek hindi” ong u Malik haba ïakren bad ki nongthoh khubor kiba twad jingmut na u ïa kaei kaba u sngew halor ka rai jong ka Sorkar Pdeng ban pynlong ïa ka sonjek Hindi kum ka Compul sary subject haduh klas X ha ki Jylla ka thaiñ Shatei Lam Mihngi.
Hynrei ula ong “Hooid, lehse phi lah ban pynlong kongsan tang ha ki katto katne ki kyrdan pule, phi lah ban pyn long kongsan ne ailad ban jied haduh klas VIII”.
Haba pynïaid ïa ka jingïalang ba 37 jong ka Parliamentary Official Language Committee ha New Delhi dang shen, u Myntri kam Pohïing ka Ri u Amit Shah ula pyntip ba baroh phra tylli ki Jylla jong ka thaiñ Shatei Lam Mihngi kila mynjur ban pynlong kongsan ïa ka sobjek hindi ha baroh ki skul haduh ka klas X.
U Amit Shah ula ong ruh ba ki phra tylli ki Jylla ka thaiñ kila thungkam haduh 22000 ngut ki nonghikai hindi.
