Shillong, Nailur 10: Ka kynhun ki thei ïalehkai phutbol jong ka Meghalaya ki la pynkut ïa ka jingïaid lynti jong ki ha ka lympung ‘Senior Women’s National Football Championship na ka bynta ka Rajmata Jijabai Trophy 2025-26 da ka namrem haduh 5-1 kol ha ka jingïalehkai ba khatduh pyrshah ïa ka Railways ha Nadia, West Bengal, hynne ka step sngi Balang.
Haba phaidien, ka Meghalaya ka la shah rem ha baroh ar tylli ki jingïalehkai ba nyngkong jong ka Group D pyrshah ïa ka Bengal bad kaba ar ha ka Sikkim.
Ha ka jingïalehkai dei ka Meghalaya kaba la ïoh ban lamkhmat nyngkong lyngba ka Ribahunshisha Kharshiing (11′) hynrei tang hadien 10 minit ka Anju Tamang (21′) ka la pynïakhaid noh na ka bynta ka Railways.
Ka jingïakhun ka la sah kumjuh da mar 1-1 kol haduh ban da kut ka kylla step hynrei ki jingkylla ki la sdang ban paw ha ka kylla miet, ha kaba ka Railways ka la thep haduh saw kol lyngba ka Yumnam Kamala Devi (52′, 77′), Mamta (57′) bad sa shi sien na ka Anju Tamang (62′).
Kumta da kaba shah rem ha baroh lai tylli ki jingïalehkai, ka kynhun Meghalaya ba la ïalam da u Kitbor Kharkongor ka la wan sha trai duh jong ka Group (da kaba kamai 0 poiñ). Watla ka long kaba eh ban pdiang, hynrei ka long kaba sngewtynnad ban ïohi ïa ka Meghalaya ba kan ïashim bynta mynta u snem hadien ba ka la pep ïa ka lympung ha u snem 2024. Kane ka lympung ka dei ban ïarap ïa ki nongïalehkai, katto katne na ki kin sa ïashim bynta ha ka lympung ïalehkai ba nyngkong jong ka Meghalaya State Women’s League, ka ban sdang hadien 10 sngi.
Ka thup kynhun jong ka Meghalaya ha kane ka jingïalehkai:
Banrisha Wahlang (GK), Ibashembha Khongsit (sub Badarisha Kharumnuid 40′), Saralin Warlarpih (sub Nisilia Majaw 40′), Darishisha Kharlyngdoh, Judith Kharmuti (sub Baiahunshisha L Nongbri 65′), Ibadarihun Nongsiej, Bahunlang Synrem, Ibakordor Wahlang (sub Catherine Kharkongor HT), Eiladki Ksoo, Iaphisha Marbaniang (sub Makrisha Songthiang HT, Ribahunshisha Kharshiing
