Jowai, Nohprah 13: Ka jingïalehkai phutbol jong ki kynthei bala pynïaid da ka East Jaiñtia Hills District Football Association kaba la tip kum ka Women’s League 2025 kaba la long ha ka sngi Saitjaiñ, 13 tarik u Nohprah ha madan Artificial Turf, Diengshynrum, Khliehriat East Jaiñtia Hills District.
Haba phai sha ka jingïakhun ba nyngkong ka Umshong SC kala khur ïa ka jingjop da kaba pynliem 1-0 kol ïaka Sutnga XI SC. Ïa katei ka shikol na ka bynta ka Umshong SC la thep da ka Nidaroi ki Biam haka minit ba 65.
Katba haka jingïakhun kaba ar ka Byndihati SC kala jop da 15-0 kol ïaka Dkhiah West SC, ïa ki kol na ka Byndihati SC la thep marwei da ka Makrisha Songthiang haduh 8 kol kata ha ka minit ba 7,9,10,32,35,63,66 & 70, ka Deimomi Lyngdoh haka minit ba 35, ka Hapily Lyngdoh haka minit ba 15, ka Diwakapaia Dkhar haka minit ba 42 & 78, ka Charlinda Nongtdu haka minit ba 65, ka Angelina Phawa haka minit ba 75 bad ka Odakani Nongtdu haka minit ba 62.
