Shillong, Ïaïong 24: Ka Maw-U-Tieng bad ka Laitkor SC kila khur jingjop ha ka lympung ïalehkai Women Football League 2021-22 ba pynïaid da ka Shillong Sports Association (SSA) ha ka jingïalehkai kaba la long ha ka sngi Saitjaiñ ha madan MFA, Polo, Shillong.
Ka Maw-U-Tieng kala khur jingjop da kaba pynliem da 2-0 pyrshah ïa ka Nongkrem SC, bad ïa kitei ki ar kol la thep da ka Lavinia maring ha ka minit ba 40 bad ka Charlinda Nongtdu ha ka minit ba 54.
Ha ka jingïakhun kaba ar, ka Laitkor SC kala jop da kaba pynliem da 2-0 kol pyrshah ïa ka Rahjingshai SC bad ïa kitei ki ar kol na bynta ka Laitkor SC la thep da ka Ribahunshisha Kharshiing ha ka minit ba 39 bad 45.
