WJHDCA District Cricket League 2026: Rung semi final ka Lion Y&SA naba pynliem ïa ka PCC Phramer

Jowai, Lber 30: Ka jingïalehkai Quarter Final balai jong ka District Cricket League 2026 ba la pynlong da ka West Jaiñtia Hills District Cricket Association ha Khliehtyrchi Mini Stadium, ha kaba ka Lion Y&SA ka la jop da 54 run ïa ka PCC Phramer.
Ka PCC Phramer kala jop ïa ka jingkynting toss bad kala jied ban kawang bol nyngkong. Ka Lion Y&SA kaba tied nyngkong ka la kamai 168 run na ki 32.5 over shuwa ba kan duh baroh ki wicket. U Kitboklang Rngad ula long uba kamai bun tam da 28 run na ki 50 bol, katba u Noondaystar Pohrmen u la ïarap da kaba kamai 23 run na ki 24 bol.
Na ka liang ki nongkawang bol jong ka PCC Phramer, u Deimiki Rabon ula khur 4 wicket na ki 6.5 over, katba u Ram Ksoo u la ïoh 3 wicket na ki 7 over.
Ha ka inning kaba ar ban beh ïa ka thong, ka PCC Phramer kam shym la lah ban kynjoh ïa ka thong hynrei kala kamai tang 114 run na ki 25.1 over bad duh baroh ki wicket. U James Nongrum u la long uba kamai bun tam da 31 run na ki 24 bol, katba u Phiner Tang bad u Deimiki Rabon ki la kamai mar 17 run.
Na ka liang ki nongkawang bol jong ka Lion Y&SA, u Deibormi Rngad bad u Teilang War ki la khur mar 4 wicket.
Ïa ka khusnam Man of the Match la ïoh da u Teilang War jong ka Lion Y&SA.
Ka jingïalehkai Quarter Final kaba khatduh kan long lashai ka 31 tarik hapdeng ka The Legends (Lissi Pearl) pyrshah ïa ka Wahiajer SC ha Khliehtyrchi Mini Stadium ha ka por 9 baje mynstep.