Jowai, Naiwieng 10: Ka resol jong ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long hynne ka Lah sngi U Blei, 10 tarik Naiwieng, 2025, ha madan Kiang Nangbah Stadium, Dongmihsngi Jowai.
Ha kane ka sngi ka jingïakhun ka la long hapdeng ka Mooknor Thadmuthlong bad ka Sohmynting, ha kaba ka kynhun ïalehkai jong ka Mooknor Thadmuthlong ka la jop da ka said da tang 1-0 kol, bad kane ka kol kadei kaba la thep da u Nidaioh Dhar haka minit ba 21.
