Jowai, Naiwieng 15: Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long ha ka15 tarik Naiwieng (sngi Thohdieng) ha madan Kiang Nangbah Stadium, Dongmihsngi Jowai.
Ka jingïalehkai kaba la pynkhihwin ha kane ka sngi ka dei hapdeng ka Demthring SC pyrshah ïa ka Sailung Ialong, ha kaba ka Demthring ka la jop kput haduh 10-0 kol.
U Phang Sumer u la long u ba kongsan tam na bynta ka Demthring SC ha kaba u la thep haduh saw kol (13, 20, 44 & 51). Nangta u Marshial Nongrum (19 & 49) u la pynkhih ar kol, katba u Justerwell Gham (57’), u Willson Dkhar (75’), u Jendeng Mukhim (76’) bad u Ksankupar Khongmalai (80’) ki la ïoh mar kawei.
Shuwa kane, ka jingïakhun kaba nyngkong, la sakhi ïa ka kynhun ïalehkai jong ka Wahiajer kaba la pynliem da 4-0 kol ïa ka Mukhla Raij.
Kine ki saw kol na bynta ka Wahiajer la thep da u Riburom Jat haka minit ba 7, u Pynkhreh Talang haka minit ba 71, u Nicky o chwa Pakma haka minit ba 77 bad u Niwan o Gatphoh haka minit ba 87.
La pyntip ka jingïakhun haka 18 tarik u Naiwieng, 2024 ka long hapdeng ka Shangpung Lumiawmushai pyrshah ïa ka 7 Wasa United ha ka por 11 baje mynstep. Katba ka Ladthadlaboh SC kan ïakhun pyrshah ïa ka Nangbah Mulang ha ka por 2 baje nohphai sngi.
