Jowai, Naiwieng 22: Ka Ladthadlaboh ka la ïoh ban khur ïa ka jingjop da kaba pynliem ïa ka Nangbah Mulang da 1-0 kol ha kawei na ki jingïalehkai jong ka lympung Super Division Football Tournament – 2025, kaba la long ha ka sngi Saitjaiñ (22 tarik Naiwieng, 2025).
Hadien ka jingïakhun kaba khlem kol ha ka kylla step, ka Ladthadlaboh ka la ïoh ban pynkhihjar ha ki minit ba khatduh shuwa ban kut lyngba u Andrew Nanghuloo (88’) ban khur ïa ka jingjop.
Kane ka lympung ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” la pynïaid da ka West Jaiñtia District Sports Association, (WJDSA) Jowai ha madan Kiang Nangbah Stadium, Dongmihsngi Jowai.
