Jowai, Naiwieng 12: Ka resol jong kawei na ki jingïakhun ka lympung phutbolkyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai, kaba la long hynne ka sngi Balang, 12 tarik Naiwieng, 2025 ha madan Kiang Nangbah Stadium, Dongmihsngi Jowai.
Haba phai sha kane ka jingïakhun jong kane ka sngi hapdeng ka Demthring SC bad ka Ladthadlaboh SC ka la poi sha ka jingïakhaid, ha kaba baroh arliang ki la ïoh thep mar shi kol (1-1).
Ha ka jingïalehkai dei ka Demthring SC kaba la pynkhihjar nyngkong ban lamkhmat lyngba u Roikhih Nongtdu haka minit ba 11. Hynrei na ka liang jong ka Ladthadlaboh SC ka la jubab da kaba pynïakhaid lyngba u Promi Suting (15).
