Jowai, Naiwieng 26: Ka resol jong ka jingïakhun ha ka lympung phutbol jong ka kyrdan ‘Super Division Football Tournament 2025 kaba la long hynne ka sngi Balang, 26 tarik Naiwieng 2025, ka la poi sha kaba kut ha kaba ka Mooknor Thadmuthlong kala lah ban pynliem da 1-0 kol ïaka Khimusniang.
Ka Super Division 2025’ ïa kaba la tip kum ka “17 U Kiang Nangbah Memorial Trophy” la pynïaid da ka West Jaiñtia District Sports Association, (WJDSA) Jowai ha madan phutbol Kiang Nangbah Stadium, Dongmihsngi Jowai.
Haba phai sha ka jingïakhun ka Mooknor Thadmuthlong kala lah ban jop da 1-0 kol ïaka Khimusniang lyngba ka kol kaba la thep da u Yolang Sana haka minit ba 11.
Na baroh ki jingïakhun ha ka kyrdan Super Division bala dep, kane kadei ka jingshah rem kaba nyngkong jong ka Khimusniang.
