Jowai, Risaw 27: Ka lympung ïalehkai phutbol jong ki kynthei kaba la tip kum ka “1st Women League Football Tournament 2025 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 27 tarik u Risaw ha madan Kiang Nangbah Stadium Dongmihsngi Jowai.
Ka jingïakhun kaba nyngkong ka la long kaba noh shiliang ha kaba ka Ladthadlaboh kala pynliem kput haduh 8-0 kol ïaka Sabahmuswang.
Ka Daphimon Khyriem ka la long ka thei ïalehkai kaba kongsan tam jong ka Ladthadlaboh, ha kaba ka la thep marwei haduh saw kol haka minit ba 2, 4, 13 & 29, kiwei pat ki kol la thep da ka Diwaka Dkhar haka minit ba 8 & 47, ka Prema War haka minit ba 10 nangta bad ka Ewanmisa Situng haka minit ba 12 .
Haba phai pat sha ka jingïakhun jong ka kyrdan 13th Chatiser Kharkongor Memorial Trophy 1st Division Football Tournament-2025 kaba la long mynta hi ka sngi, ka Dulong FC kala pynliem da 5-1 kol ïaka Nangbah Dukhu, ïa ki kol na ka Dulong FC la thep da u Iasanlang Dohling haka minit ba 19, u Gideon Mukhim haka minit ba 49 & 84, u Sahame Lyngdoh haka minit ba 57 bad u Genial Rasmut haka minit ba 64. Katba ïa ka shikol na ka Nangbah Dukhu la thep da u Banteilang Iongwai haka minit ba 82.
