Jowai, Naiwieng 07: Ka Khimusniang ka la ïoh ban khur ïa ka jingjop ha kawei na ki jingïalehkai jong ka lympung phutbol kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai, kaba la long ha ka 07 tarik Naiwieng, ha madan phutbol Kiang Nangbah Stadium, Dongmihsngi, Jowai.
Haba phai sha kane ka jingïakhun ka Khimusniang kala pynliem noh da 3-2 kol ïaka Nangbah Mulang.
ïa kitei ki lai kol na ka bynta ka Khimusniang la thep da u Mediphrang Pohleng haka minit ba 19 bad u Wanbiang Passah ha ka minit ba 25 & 68.
Katba ïa ar tylli ki kol na ka Nangbah Mulang la thep da u Shanhok Siangshai ha ka minit ba 45+2 bad u Charming Sungoh ha ka minit ba 79.
